مستونگ: بلوچستان نیشنل پارٹی ءِ سروک سردار اکتر مینگل ءَ گوشتگ که ریاستی اداره پاکستان تھریک انساپ ءِ کارکناں په زھرشانی ءَ بھر زورگ ءَ موکل دیگ ءَ نہ اِنت.
آئی ءَ گوشتگ که تھریک انساپ ءِ کارکن زھرشانی ءَ آھگ ءَ بیتگ اَنت که دارگ بیتگ اَنت، ریاست ءَ آیانی راه ءِ سر ءَ کنڈ جتگ ، کنٹینر ایر کرتگ ءُ گوں لشکری کارمنداں آیاں آھگ ءِ موکل نه داتگ.
چوش که بی این پی ءِ زھرشانی انگت چلتن کوه ءِ کر ءَ برجاه اِنت ءُ آ بی وائی سی ءِ سروک ڈاکٹر ماه رنگ ءُ آ دگه دزگیر کنگ بیتگیں کارکنانی یل کنگ ءِ لوٹ ءَ کنگ ءَ اِنت. ھمے میان ءَ بی این پی ءِ سروک ءُ سرکار ءِ گپ ءُ تران بے سوب بیتگ. چه ایشی ءَ ابید سرکار ءَ زھرشانی ننداک ءِ بگیری ءَ کش ءُ کرانی راه ءُ دگ بستگ اَنت ءُ کنڈ جنگ ءَ اِنت.
