بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که یک آپریل ءَ شپ ءِ ادار شش ءُ چل ءُ پنچ ءَ بولان ءِ ھند آب گم ءَ نیم لشکری پرنٹیئر کور ءِ چوکی ءِ سر ءَ گوں راکٹ لانچر ، گرنیڈ لانچر ءُ آدگه مزنیں سلاھاں اُرش کرتگ ، اُرش ءَ سرمچاراں باز رند ءَ راکٹ ءُ گرنیڈ لانچر ءِ گولا جتگ که چوکی ءِ ته ءَ کپتگ اَنت.
آئی ءَ گوشتگ که په دژمنیں لشکر ءِ بنجل ءِ پھریزگ ءَ برجاھیں سنگرانی سر ءَ سرمچاراں سکا ترندیں اُرش کرتگ ءُ داں سنگرانی سر بوگ ءَ سوبین ءَ بیتگ اَنت. میڑ ءِ میان ءَ لشکر ءِ کارمنداں وتی سنگر یل کرتگ اَنت ءُ تتکگ اَنت.
جارکش ءَ گوشتگ که اِے اُرش ءَ دژمنیں لشکر بازیں کچے ءَ جانی ءُ مالی تاوان ءِ دیمپان بیتگ.
آئی ءَ گوشتگ که مئے گل ءُ سرمچارانی توکل برز ءُ مھکم اِنت چی ءَ که گوں راجی آجوئی ءِ جوزگ ءَ جنگ دیوکیں سرمچار چه ایشی ءَ دلجم اَنت که اِے جنگ ءَ آیاں په زر ءَ جنگ دیوکیں دژمنیں لشکر ءِ توکل ایر جتگ ءُ آئی سسائی پروش ءِ آماچ کنگ ءَ سوبین بیتگ اَنت.
جارکش ءَ گوشتگ که بی ایل ایپ چه بلوچ راج ءَ پیش ءَ چه گیش اُمیت دار ایت که آ اے جنگ ءِ ھمک بھرگاں ھوار به بنت دانکه چه پاکستان ءِ زورگپتی ءَ وتی آجوئی ءَ به گر اِیں ءُ په وتی راجی پجار ءُ شرپ ءِ پچ گرگ ءَ وتی کرد ءَ پیلو به کن اَنت.
میجر گھرام ءَ اُرش ءِ زمه واری من اتگ ءُ گوشتگ که داں بلوچستان ءِ آجوئی ءَ زورگریں لشکر ءُ آئی ءِ سیتّانی سر ءَ مئے اُرش برجاه بنت.
