بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ سی مارچ ءِ شپ ءَ ادار ھشت ءَ بی ایل ایپ ءِ سرمچاراں تمپ ءَ گریڈ اسٹیشن ءَ برجاھیں پاکستانی لشکر ءِ بنجل ءِ سر ءَ اُرش کرتگ۔ اُرش ءَ سرمچاراں بنجل ءِ سر ءَ گرنیڈ لانچر ءِ لھتیں گولا آس داتگ کہ آ بنجل ءِ تہ ءَ کپتگ اَنت۔ چہ ایشی ءَ پاکستانی لشکر ءَ جانی ءُ مالی تاوان بوتگ۔
آئی گوشتگ کہ اُرش ءِ وھد ءَ سرمچارانی یک دگہ ٹولی یے ءَ تمپ ءِ بازار ءَ تر ءُ گرد کرتگ ءُ دژمن ءِ تر ءُ گردانی سر ءَ چم سک داشتگ اَنت۔ بلے دژمنیں لشکر چہ ترس ءِ سوب ءَ پہ تر ءُ گرد ءَ در نہ کپتگ۔ بلوچ سرمچارانی روگ ءَ پد پاکستانی لشکر ءِ شش گاڑیانی کاروانے اُرش جاہ ءَ شُتگ۔
جارکش اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ پاکستانی لشکر ءَ نشانگ کن ایں۔
