بلوچ راجی آجوئی سنگر ( براس ) ءِ جارکش بلوچ ھان ءَ ماں رسانکدر ءَ وتی شنگ کرتگیں درشانے ءَ گوشتگ که براس ءِ سرمچاراں دگه 16 کاروائی کرتگ اِے کارانی ته ءَ زورگریں پاکستانی لشکر، نیم لشکری ٹولی، چیریں اداره، ریاست ءِ جوڑ کرتگیں کشنده ٹولی ، سرکاری شوربندی، مادن بروکیں گاڑیاں ھوار آدگه ریاستی نپ نشانگ کرتگ اَنت. اِے کاروائیاں ھوار گوستگیں چار روچانی میان ءَ براس ءِ سرمچاراں سرجم ءَ 88 کاروائی کرتگ۔
آئی ءَ گوشتگ که اُرش 27 مارچ 1948 ءِ درگت ءَ کنگ بیتگ اَنت که زورگریں پاکستان ریاست ءَ لشکرکشی ءِ پارست ءَ بلوچ ءِ سرڈگار زور گپتگ. اِے زورگری بلوچستان ءِ گوستانکی، زمینی کچ ءُ کساس ءُ راھبندانی بگیری ءَ بیتگ ، ایشی ءِ بگیری ءَ بلوچ راج ءِ گھگیری چه اولی روچ ءَ برجاه اِنت. چه براس ءِ نیمگ ءَ اِے سلاه بندیں کار نه اِیوک ءَ چیدگی ءُ کردی گھگیری اِنت بلکیں ھمے گپ ءَ پدر کنت که بلوچستان انگت ھم یک زورگپتیں سرڈگارے۔
جارکش ءَ گوشتگ که براس ءِ سرمچاراں واشک ءِ ھند ناگ ءَ لیویز تانه گپتگ ءُ پنچ کارمند دزگیر کرتگ. تانه ءِ ته ءَ سلاه ءُ آدگه لشکری سامان ، یک گاڑی یے ءُ پرپٹے ھم گپتگ ءُ گوں وت برتگ. لیویز کارمند کڈن کنگ ءَ پد یل کرتگ اَنت۔
آئی ءَ گوشتگ که براس ءِ سرمچاراں تربت ء ھند ناسرآباد ءُ ھیرآباد ءَ تر ءُ گرد کرتگ. سرمچاراں پولیس تانه دستیگ کرتگ ءُ سرجمیں سلاه ءُ پرپٹ زرتگ اَنت. چه ایشی ءَ پد تانه گوں دو گاڑیاں ھوار مانداشتگ ءُ تباه کرتگ. ھمے میان ءَ دژمن ءِ دیم ءَ آھوکیں کارمند نشانگ کرتگ اَنت که ایشی آسر ءَ سے کارمند جاھی مرتگ ءُ دگه باز ٹپی بیتگ. سرمچاراں دژمنیں لشکر ءِ سرویلنس ڈرون ھم جتگ.
جارکش ءَ گوشتگ که پنچ شمبے ءِ سھب ءَ براس ءِ سرمچاراں کیچ ءِ بنجاھی شھر تربت ءَ زورگریں پاکستان ءِ نیوی بنجل ءِ پھازداریں چوکی گوں وتکار ءُ نوکیں سلاھاں نشانگ کرتگ ءُ دژمن ءَ تاوان داتگ.
جارکش ءَ گوشتگ که دشت ءِ ھند سبدان ءَ زورگریں پاکستانی لشکر ءِ بنجل ءِ سر ءَ ھم گوں مزنیں ءُ وتکاریں سلاھاں اُرش کرتگ. ایشی آسر ءَ دشمن ءِ دو کارمند مرتگ ءُ کم چه کم چار ٹپی بیتگ۔
آئی ءَ گوشتگ که براس ءِ سرمچاراں دشت ، کڈان ءَ زورگریں پاکستانی لشکر ءِ یک چوکی یے نشانگ کرتگ. چه ایشی ءَ دژمن تاوان ءِ دیمپان بیتگ۔
جارکش ءَ گوشتگ که تمپ ء ھند میر آباد ءَ ھم براس ءِ سرمچاراں زورگریں پاکستانی لشکر ءِ بنجل ءِ سر ءَ اُرش کرتگ ءُ دژمن ءَ جانی ءُ مالی تاوان داتگ۔
آئی ءَ گوشتگ که براس ءِ سرمچاراں مند ، سورو ءَ زورگریں پاکستانی لشکر ءِ بنجل نشانگ کرتگ. اِے اُرش ءَ سرمچاراں راکٹ لانچر ءِ بازیں گولا آس داتگ ءُ گوں مزنیں سلاھاں اُرش کرتگ که ایشی آسر ءَ دژمنیں لشکر ءِ کم چه کم چار کارمند ٹپی بیتگ.
جارکش ءَ گوشتگ که مشکے ءَ براس ءِ سرمچاراں پولیس چوکی ءِ سر ءَ اُرش کرتگ. کراچی ءِ شھدگ اورناچ ءَ بستگ ءُ گاڑیانی پٹ ءُ پول ءِ میان ءَ شش پنجاپی دزگیر کرتگ که آیانی بے میاری زانگ بیتگ ءُ آ یل کنگ بیتگ اَنت.
آئی ءَ گوشتگ که براس ءِ سرمچاراں ڈیره مراد جمالی ءِ نزیک ءَ بائی پاس بستگ ءُ گاڑی پٹ ءُ پول کرتگ اَنت ءُ مادن بروکیں گاڑی نشانگ ءُ تباه کرتگ اَنت. دگه یک کاروائی یےءَ سرمچاراں ڈیره مرادجمالی ءَ زورگریں پاکستانی لشکر ءِ سر ءَ اُرش کرتگ ءُ تاوان داتگ۔
جارکش ءَ گوشتگ که سبی ءِ ھند تلی دگ کڑک ءَ براس ءِ سرمچاراں زورگریں پاکستانی لشکر ءِ چوکی نشانگ کرتگ ءُ تاوان داتگ.
آئی ءَ گوشتگ که دوشی براس ءسرمچاراں جیمڑی ءَ نارکوٹکس ءِ کارگس ءِ سر ءَ گوں دستی بمب ءَ اُرش کرتگ. نشانگ کنگ بیتگیں کارگس زورگریں پاکستانی لشکر ءُ چیریں ادارھانی کارمنداں اوتاگ ءِ دروشم ءَ کارمرز کرتگ۔
جارکش ءَ گوشتگ که مئے کاروائی ھمے گپ ءَ پیش کنت که بلوچستان ءَ ریاستی زورگری ءِ بگیری ءَ مئے گھگیری برجاه بیت. مئے مول زورگریں لشکر ءُ آئی کمکارانی نشانگ کنگ ءُ بلوچ راج ءِ آجوئی جھد ءِ مھکم کنگ اِنت. دانکه مئے سرڈگار چه ڈنی زورگر ءَ آجو نه بیت مئے سلاه بندیں کاروائی ءُگھگیری برجاه بنت. اِے اُرشاں ھمے پدر بیت که ما په وتی مول ءَ سوبین بوگ ءَ ھمک جاھاں کار کن اِیں ءُ ھچ وڑ ءَ چه وتی آجوئی جھد ءَ پد کنز نه به اِیں۔
