بلوچ وومن پورم ءِ سروک ڈاکٹر شلی بلوچ ءَ ماں چاگردی رسانکدر ایکس ءَ نبشتگ کہ بلوچ زانتکاریں سرانی زندانی کنگ ءَ بہ گر داں کہ کوہ ءُ گیابان ءَ آیانی کنٹانی دز کپگ ءُ بلوچ زرمبشت ءِ سر ءَ بندش جنگ ءَ ترس ءِ یک مزنیں چاگردے ءِ ودی کنگ ءَ پد ملکناز ، ھیات ءُ بانک کریمه ءِ شھیدی ءَ پد بلوچ راج ترس ءَ پروش دنت ءُ شھدگانی سرا در کپ ایت ءُ زوراکی ءِ بگیری ءَ پد ءَ اوگام جنان بیت۔ مروچی پد ءَ ریاست یک ترسے ودی کنگ ءَ اِنت چہ بی وائی سی ءِ زھرشانی ءُ روانکانی سر ءَ تیر گواری کنگ ءَ بازیں ورنا شھید بیت ءُ بی وائی سی ءِ سروک ءُ دگہ بازیں مردم دزگیر کنگ بیتگ اَنت.
ائی ءَ گوشتگ کہ بلوچ ءِ مھکمیں توار ءُ مئے مھروانیں سنگت زندانی اِنت، کھول ءِ گوشگ اِنت کہ ڈاکٹر وڑ وڑیں سسائی آزارانی آماچ اِنت ءُ آئی ءِ جاور نا وش اِنت ، ریاست ءَ په ڈاکٹر ماہ رنگ ءِ جھد ءِ دزکش کنگ ءَ وڑ وڑیں پندل سازتگ بلے آ ھچبر پُشت ءَ نہ کنز اِتگ بلکیں مُدام چوں بولان ءَ مھکم بوتگ ءُ مارا اے گپ ءِ سر ءَ ایمان اِنت کہ ریاستی زوراکی ءُ زندانی آئی ءَ گیش مھکم کنت۔
