تربت: کیچ کور ءَ پاکستانی لشکر ءِ دست ءَ زور بیگواه کنگ بیتگیں ورنایے ءِ تیرسپتگیں لاش دزکپتگ.
اھوالکار ءِ رد ءَ بیران بیتگیں ورنا ءِ نام انس ء ملا برکت اِنت ءُ سری کھن ءِ جاه منند اِنت. 1 اکتوبر 2024 ءَ پاکستانی چیریں ادارھانی کارمنداں چه سری کھن ءَ آئی جند ءِ دکان ءَ آوار جتگ ءُ زور بیگواه کرتگ. چه ایشی ءَ پیش ھم پاکستانی لشکر ءِ کارمنداں آ یکبرے 14 اکتوبر 2022 ءَ زور بیگواه کرتگ اَت. آئی ءِ زوریں بیگواھی ءِ بگیری ءَ کھول ءَ جتائیں وھداں تربت ءَ شھید پدا چاراه ءُ ڈی بلوچ ءَ زھرشانی کرتگ اَت.
