بلوچ راجی آجوئی سنگر ( براس ) ءِ جارکش بلوچ ھان ءَ ماں رسانکدر ءَ وتی شنگ کرتگیں درشانے ءَ گوشتگ که چه براس ءِ سرمچارانی نیمگ ءَ زورگریں پاکستانی لشکر، آئی ءِ چیر دست ءِ لشکر، مادن بروکیں گاڑی ءُ لٹ ءُ پلی شوربندیانی سر ءَ مھکمیں اُرش برجاه اَنت. اِے اُرش 27 مارچ 1948 ءِ سیاھیں روچ ءِ درگت ءَ بوگ ءَ اَنت که پاکستانی زوراکی ءِ بنیاد ءَ بلوچستان زور گپتگ.
آئی ءَ گوشتگ که اُرش چه گوستگیں روچ ءَ بندات بیتگ اَنت ءُ داں اِے وهد ءَ براس ءِ سرمچاراں بلوچستان ءَ 48 ءَ گیش کاروائی کرتگ. کاروائیانی میان ءَ زورگریں لشکر ءُ چیریم ادارھانی بازیں کچے ءَ کارمند کشتگ اَنت، ھمے وڑ ءَ پاکستان ءِ چیردستیں لشکریانی بازیں چوکی دستیگ کرتگ اَنت.
بلوچ ھان ءَ گوشتگ که اُرشانی درچ انگت ءَ برجاه اِنت ءُ اِے بابت ءَ گیشتریں سرپدی زوت چه رسانکدر ءَ شنگ کنگ بنت.
