بلوچ آجوئی لوٹوکیں سروک ءُ بی این ایم ءِ پیشیگیں سرکماش ھلیل بلوچ ءَ ماں چاگردی رسانکدرایکس ءَ سمی دین ءِ دزگیری ءِ بابت ءَ نبشتگ کہ سمی دین بلوچ ءِدزگیری بلوچ راجی توارءِ دارگ ءِ ریاستی شونداتانی درچ اِنت۔ بلے پاکستان مارا چہ زوراکیاں بے توار کرت نہ کنت۔ مئے جھد گوں زور، زوریں بیگواھی ءُ چہ مئے سروکانی کوش ءَ ھلاس کنگ نہ بیت۔
آئی ءَ گوشتگ کہ بلوچستان ءِ ھمک شھر ءَ گھگیری ءِ بیرک چست بوگ ءَ اِنت ءُ اے زوراکیانی کاروائی بلوچ راجی گھگیری ءَ گیش ترند کنگ ءَ اِنت۔ بلوچ راج ءِ پسگانی چہ بلوچ سرڈگار ءَ پہ ریاستی زوراکیانی ھلاس کنگ ءَ جھد ءِبرجاہ دارگ ءَ ارادہ مھکم اِنت۔
ھلیل بلوچ ءَ گوشتگ کہ سمی دین بلوچ، ڈاکٹر ماہ رنگ بلوچ ءُ سدانی کچ ءَ سیاسی کارکنانی دزگیری بلوچ راجی گھگیری ءَ داشت نہ کنت بلکیں ایشی سرجمیں جھان ءَ تالان کنت۔
