بلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں تربت ، تمپ ءُ پنجگور ءَ ھپت جتائیں کاروائیاں زورگریں پاکستانی لشکر نشانگ کرتگ ءُ شھدگ بستگ. اُرشاں دژمن ءِ پنچ کارمند مرتگ ءُ سیزده ٹپی بیتگ.
آئی ءَ گوشتگ که دوشی بی ایل اے ءِ سرمچاراں پنجگور ءِ ھند سرادوک ءَ زورگریں پاکستانی لشکر ءِ بنجل ءِ سر ءَ چه دو نیمگاں اُرش کرتگ. سرمچاراں دژمنیں لشکر ءِ سنگرانی سر ءَ بازیں راکٹ لانچر گولا آس داتگ، ھمے وڑ ءَ دگه مزنیں ءُ وتکاریں سلاه ھم کارمرز کرتگ اَنت. داں نیم اَدار ءَ گیش برجاھیں اُرش ءَ زورگریں پاکستانی لشکر ءِ سے کارمند مرتگ ءُ کم چه کم چار ٹپی بیتگ، ھمے وڑ ءَ آئی ءَ بازیں کچے ءَ مالی تاوان داتگ.
جارکش ءَ گوشتگ که دگه یک کارے ءَ بی ایل اے ءِ سرمچاراں دوشی پنجگور ءِ ھند وشبود ءَ شھدگ بستگ ءُ سرمچاراں داں دو اَدار ءَ گیش دگ ءِ بندگ برجاہ داشتگ ءُ ھمے میان ءَ گاڑی پٹ ءُ پول کرتگ اَنت۔
آئی ءَ گوشتگ که بی ایل اے ءِ سرمچاراں دوشی تربت ءِ شھر ءَ بالی پٹ دگ ءَ زورگریں پاکستانی لشکر ءِ کارمند ھما وھد ءَ اُرش ءَ نشانگ کرتگ اَنت که آ پٹ ءُ پول کنگ ءَ بیتگ اَنت. اُرش ءِ آسر ءَ دژمن ءِ یک کارمندے جاھی مرتگ ءُ دگه دو ٹپی بیتگ.
جارکش ءَ گوشتگ که ھمے وڑ ءَ بی ایل اے ءِ سرمچاراں تربت ءِ شھر ءَ دگه یک کارے ءَ تالیمی چاراه ءَ زورگریں پاکستانی لشکر ءِ چوکی یے گوں دستی بمب ءَ نشانگ کرتگ. تراک ءِ آسر ءَ دژمنیں لشکر ءَ جانی تاوان بیتگ۔
آئی ءَ گوشتگ که بی ایل اے ءِ سرمچاراں تربت ءِ سیمی اُرش گیبن ءَ زورگریں پاکستانی لشکر ءِ برجاھیں چوکی ءِ سر ءَ کرتگ. سرمچاراں دژمنیں لشکر ءِ سر ءَ بازیں گرنیڈ لانچر گولا آس داتگ که تراکانی آسر ءَ دشمنیں لشکر ءِ کم چه کم چار کارمند ٹپی بیتگ۔
جارکش ءَ گوشتگ که بی ایل اے ءِ سرمچاراں تمپ ءِ ھند ھیرآباد ءَ زورگریں پاکستانی لشکر ءِ چوکی ءِ سر ءَ گرنیڈ لانچر ءِ بازگولا آس داتگ که گولا گوں سوبمندی ءَ نشانگ ءَ لگ اِتگ اَنت. تراکانی آسر ءَ دژمنیں لشکر ءَ جانی ءُ مالی تاوان بیتگ.
آئی ءَ گوشتگ که ھمے وڑ ءَ سرمچاراں تمپ ءِ ھند میرآباد ءَ زورگریں پاکستانی لشکر ءِ چوکی یے نشانگ کرتگ. سرمچاراں دژمن ءِ سنگرانی سر ءَ گرنیڈ لانچر ءِ باز گولا آس داتگ که ایشی آسر ءَ دژمنیں لشکر ءِ یک کارمندے مرتگ ءُ کم چه کم سے ٹپی بیتگ.
جیھند ءَ درسیں اُرشانی زمه واری من اِتگ ءُ گوشتگ که داں زورگریں پاکستانی لشکر ءِ چه بلوچستان ءَ سرجم ءَ درآھگ ءَ مئے ارش برجاہ بنت۔
