بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل ایپ ءِ سرمچاراں 19 مارچ ءَ تمپ ءَ ملٹری انٹیلی جنس ءِ سروکی ءَ کارکنوکیں کشنده ٹولی ءِ کارمند جلائی ء الله بکش جاه منند تمپ تیرگواری کرتگ ءُ کشتگ ءُ آئی سلاه ھم برتگ. اُرش ءِ وھد ءَ جلائی ءِ ھمرائی ءَ کشنده ٹولی ءِ دگه یک کارمندے ھم گون بیتگ که رک اِتگ ءُ تچگ ءَ سوبین بیتگ، بلے گل آئی ءِ پجار ءِ بابت ءَ سرجم ءَ سرپد اِنت ءُ زوت آ وتی میارانی سزا ءَ سر کنگ بیت.
آئی ءَ گوشتگ که ریاستی چریک جلائی گوستگیں بازیں سالاں بلوچ راجی آجوئی زرمبشت ءِ بگیری ءَ کار ءَ بیتگ ءُ تمپ ءِ جتائیں ھنداں چوش که گومازی ،ملانٹ ، پل آباد ، ملک آباد ءُ نزر آباد ءَ بلوچ ورناھانی زوریں بیگواہ کنگ ءُ منشیات ءِ باپاری ءَ تچک ءَ ھوار بیتگ.
جارکش ءَ گوشتگ که گوستگیں ماه ءَ گومازی ءَ کسان سالیں ورنا مھراج بلوچ ، کریم بلوچ ءُ آدگه ورناھانی شھیدی ءَ ھم جلائی ءِ ٹولی تچک ءَ ھوار بیتگ. اِے ٹولی بازیں بلوچ ورناھانی پاکستانی لشکر ءِ دست ءَ زوربیگواہ کنگ ءِ میارباری ءَ گون اِنت. گل اِے ٹولی ءِ سرجمیں مردماں زانت ءُ آ زوت وتی گڈی آسر ءَ سر کنگ بنت.
آئی ءَ گوشتگ که اِے اُرش ءِ میان ءَ تاھر نامیں بے میاریں بلوچ شھری یے ھم اناگت ءَ تیرگواری ءِ زد ءَ اتکگ ءُ ٹپی بیتگ که چه ایشی ءَ ما بژنیگ اِیں ءُ گل چه ٹپی بیتگیں تاھر ءُ آئی کھول ءَ پھلی لوٹ ایت.
میجر گھرام ءَ کشنده ٹولی ءِ کارمند جلائی ءِ کوش ءِ زمه واری من اتگ ءُ گوشتگ که داں بلوچستان ءِ آجوئی ءَ زورگریں لشکر ءُ آئی ءِ چریکاں نشانگ کن اِیں.
