بلوچ آجوئی لوٹوکیں سروک اکتر ندیم بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ ایسٹ تیمورءِ یک ملین آبادی ءَ نزیک دو لک مردم جنگ، کُشگ، گارءُ بیگواہ کنگ بنت، بلے راج گار نہ بیتءُ وتی آجوئیءَ گیت۔ پاکستان ناشریں ریاست، اے گنوکی ءَ مہ بیت کہ بلوچ راجءِ جَنگ، کُشگءُ گار کنگءَ، روچ پہ روچ وتی زوراکی تیز کنگ بلوچ راجی آجوئیءِ جھدءَ داشت کنت.پاکستان، آئی کاسگ چٹءُ باڑھی کشندہ بلوچ راجءِ دیم ءَ داشت نہ کنت۔
آئیءَ گوشتگ کہ بلوچ راجءِ سرا زوراکیءِ بابت ءَ دنیاءِ وتگڑی انسانی ھکپانءُ انٹر نیشنل اسٹیبلشمنٹءِ بےتواری گوستانک ءِ سیاھیں دیمءَ پدر اِنت۔ مروچی اے بلوچ، ماس، گھارءُ گونڈل ورناھانی، زدگ کنگءُ شھید کنگءَ بلوچ راج بیھال نہ بیت.بلوچ ءَ ھم روُل آف گیم چینج کرتگ۔ ریاست بلوچءِ ترندیں پسوءَ بے ھال مہ بیت۔ وتی ھونءُ بیرءِ پد جنگ بلوچءِ میراس اِنت۔
