بلوچ لبریشن آرمی( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں تمپ، مستونگ، زامران ءُ نسیرآباد ءَ چار جتائیں اُرشاں زورگریں پاکستانی لشکر نشانگ کرتگ. چیرکرتگیں شورھانی اُرش ءُ سلاه بندیں کاروائیاں زورگریں لشکر ءِ پنچ کارمند مرتگ ءُ نو ٹپی بیتگ.
آئی ءَ گوشتگ که بی ایه اے ءِ سرمچاراں زی کیچ ءِ ھند تمپ نزرآباد ءَ زورگریں پاکستانی لشکر ءِ 23 گاڑیانی کاروان ءَ ھواریں گاڑی یے گوں چیرکرتگیں شورھاں نشانگ کرتگ. تراک ءِ آسر ءَ دژمنیں لشکر ءِ گاڑی سرجم ءَ تباه بیتگ که ایشی ءِ آسر ءَ چه سواریں نو کارمنداں چار جاھی مرتگ ءُ پنچ سکا ٹپی بیتگ.
جارکش ءَ گوشتگ که مرچی بی ایل اے ءِ سرمچاراں مستونگ ءِ ھند کڈ کوچگ ءَ زورگریں پاکستانی لشکر ءِ بنجل ءِ دیم ءَ دو کارمند ھما وھد ءَ نشانگ کرتگ که آ پیادگ ءَ روگ ءَ بیتگ اَنت. سرمچارانی اُرش ءَ یک کارمندے جاھی مرتگ ءُ دومی سکا ٹپی بیتگ ھمے وڑ ءَ سرمچاراں دژمن ءِ کارمندانی سلاه زرتگ اَنت۔
آئی ءَ گوشتگ که ھمے وڑ ءَ بی ایل اے ءِ سرمچاراں کیچ ءِ ھند زامران ءَ اَرچنان کُلکی ءَ زورگریں پاکستانی لشکر ءِ چوکی ءِ سر ءَ گوں وتکار ءُ مزنیں سلاھاں اُرش کرتگ. اُرش ءِ آسر ءَ دژمنیں لشکر ءِ کم چه کم سے کارمند ٹپی بیتگ، دژمنیں لشکر ءَ ھمے میان ءَ سرویلنس ڈرون بال داتگ که سرمچاراں نشانگ کرتگ ءُ جتگ. اُرش ءَ دژمنیں لشکر ءِ رھوتی ٹاور ءُ کیمراه ھم تاوان داتگ اَنت۔
جارکش ءَ گوشتگ که دگه یک کارے ءَ گوستگیں شپ ءَ بی ایل اے ءِ سرمچاراں نسیرآباد ءَ منجو شوری ءَ پولیس ءِ تھانه گوں دستی بمب ءَ نشانم کرتگ، تراک ءِ آسر ءَ لشکر ءَ مالی تاوان بیتگ.
جیھند بلوچ ءَ گڈی ءَ گوشتگ کہ بی ایل اے درسیں اُرشانی زمه واری من اِتگ.
