بلوچ آجوئی لوٹوکیں سروک رھیم ایڈوکیٹ ءَ ماں چاگردی رسانکدر ایکس ءَ شال ءَ ریاستءِ زوراکیانی پژدر ءَ نبشتگ کہ زوریں بیگواھی، زور بیگواھیں مردمانی لشکر ءِ دروگیں میڑ ءَ کوش ءُ ھمے بلوچ شھیدانی لاشانی پجار کناھینگ ءَ ابید شپ ءِ تھاریاں کل کنگءِ وڑیں ریاستی میارباریانی بگیری ءَ بلوچانی ایمنیں زھرشانی ءِ سرءَ مرچی ریاست ءِ رستریں لشکر ءَ تیرگواری کرتگءُ آزار داتگ سے کودکیں بلوچ شھید کرتگ ءُ باز ٹپی کرتگ شال گوں ھوناں ملینتگ، اے ریاست ءِ ترس ءَ پدر کنت۔
آئی ءَ گوشتگ: راست ھمیش اِنت کہ انسانی ھکانی بگیری ءَ بلوچانی نہ ترسیں گھگیری ءُپہ آجوئی ءَ بلوچ راج ءِ توکل ءَ ریاست سرگنوک کرتگ۔ زورگر، ترس آماچیں ریاست پہ بلوچ راج ءِ توار ءِ دارگ ءَ زوراکی ءُ ناشری کنگ ءَ اِنت۔
بلوچ سروک ءَ گوشتگ کہ ریاست بلوچانی لاشاں چگل دیگ ءُ آیانی بے توار کنگ ءِ اھمکیں شوربندی ءِ سر ءَ کار کنگ ءَ اِنت، اے شوربندی ءُ ریاستی ناشرکاری سدکاں پہ زورگریں ریاست ءَ پروش ءُ تباھی بیت۔
