بلوچ لبریشن آرمی ( بی ایل اے ) ءِ جارکش جیئند بلوچ ءَ ماں رسانکدر ءَ وتی شنگ کُرتگیں درشانے ءَ گوشتگ کہ بی ایل اے ءِ سرمچاراں کوھلو ءَ زورگریں پاکستانی لشکر دو جتائیں اُرشاں نشانگ کرتگ ءُ دگ ھم بستگ ءُ پٹ پول کُرتگ۔
آئی ءَ گوشتگ کہ سرمچاراں 18 مارچ ءَ کوھلو ءُ سبی ءِ میانی ھند برگ ءَ دگ بستگ ءُ پٹ ءُ پول کُرتگ چہ ھمے میان ءَ یک لیویز کارمندے ھم دز گیر کُرتگ ءُ رند ءَ یل داتگ۔
آئی ءَ گوشتگ کہ ھمے روچ ءَ پاکستانی لشکر ءَ ھمے ھند ءَ گوں پرپٹ ءُ گاڑیاں کاروان ءِ دروشم ءَ پترگ ءِ جھد ءَ بوتگ کہ سرمچاراں سنگر گپتگ ءُ ارش کرتگ۔ اُرش ءِ آسر ءَ پاکستانی لشکر ءِ یک کارمندے مُرتگ ءُ یکے ٹپی بوتگ ءُ آیانی پرپٹ تباہ بوتگ۔
جارکش ءَ گوشتگ زی دژمنیں لشکر ءَ پد ءَ ھمے ھند ءَ آھگ ءِ جُھد کرتگ، بلے سرمچاراں دُژمنیں لشکر ءِ سر ءَ اُرش کرتگ ءُ آئی ءَ جانی َ مالی تاوان داتگ۔ چہ سرمچارانی اُرش ءِ سوب ءَ دژمنیں لشکر پدکنز بوتگ۔
جیئند بلوچ ءَ وتی درشان ءِ گڈی ءَ گوشتگ کہ بی ایل اے سے ئیں ارشانی زمہ واری ءَ منّ ایت۔
