اسلام آباد: زور بیگواھیں شپی مھمد بگٹی ءِ زھگ اسلام آباد ءَ شتگ ءُ وتی پت ءِ زوریں بیگواھی ءِ کیس وی بی ایم پی ءِ کِر ءَ یاداشت کرتگ ءُ زھرشانی نندانک ءَ نشتگ۔
آئی ءَگوشتگ کہ منی پت شپی مھمد پنام شبو ء سپیل مھران 27 مئی 2012 ءَ زور بیگواہ کنگ بوتگ کہ انگت بیگواہ اِنت آئی ءِ بارو ءَ مارا ھچ وڑیں سرپدی دیگ بوگ ءَ نہ اِنت کہ چون ءُ کج ءَ اِنت۔
آئی ءَ گوشتگ کہ منی کار ءُ روزگار مزوری اِنت ما شش ءُ ھپت زھگ ایں چہ درساں مستریں مناں، من پہ وتی پت ءِ آجوئی ءَ اد ءَ زھرشانی ءَ آتکگ آں۔
آئی گوشگ اِنت کہ منی پت ءِ سر ءَ چونیں بھتامے ھست گڑا آمیدگس ءَ پیش کنگ بہ بیت۔ اگاں بے میار اِنت گڑا زوت یل کنگ بہ بیت۔
