کیچ/ ھرنائی: پاکستانی لشکر ءَ دو مردم آوار جتگ ءُ بیگواه کرتگ.
بنشون ءِ رد ءَ دوشی پاکستانی لشکر ءَ تربت ءِ ھند شاه آباد آسکانی بازار ءَ ھجام دکانے ءَ بیڑ برتگ ءُ زباد ء رشید جاه منند کولواه ، ڈنڈار آوار جتگ ءُ بیگواه کرتگ.
ھمے وڑ ءَ پاکستانی لشکر ءِ کارمنداں 13 پروری ءَ چه ھرنائی ءِ بازار ءَ جما هان مری ء ھان گل مری جاه منند گریب آباد ، ھرنائی آوار جنگ ءَ پد بیگواه کرتگ.
کھول ءَ آئی ءِ زوریں بیگواھی ءِ گپ راست کرتگ ءُ گوشتگ که آ پیسر ءَ ھم دو رند ءَ 2013 ءُ 2017 ءَ پاکستانی لشکر ءَ بیگواه کرتگ. کھول ءِ گوشگ اِنت که ما سے رند ءَ پولیس ءِ کر ءَ آئی ءِ بیگواھی ءِ بگیری ءَ ایپ آئی آر کنگ ءِ جھد کرتگ بلے پولیس ءَ ایپ آئی آر نه کرتگ.
