پنجگور: مرد ءُ جنینے ءِ کوش ءِ بگیری ءَ کمک دمگدار ءِ کارگس ءِ دیم ءَ زھرشانی نندانک برجاہ اِنت۔
بنشون ءِ رد ءَ دوشی پنجگور ءِ ھند مزدالو ءَ پجار نہ بیتگیں مردماں ابدُلھمید نامیں مردمے ءِ آوار جنگ ءِ جھد کرتگ کہ آئی لوگبانک گر ءُ چیل بیتگ سلاہ بندیں مردماں تیرگواری کرتگ ءُ لوگبانک کشتگ ءُ ابدُلھمید آوار جتگ ءُ گوں وت برتگ۔ ابدُلھمید ءِ لاش مرچی سھب ءَ چہ پنجگور ءِ ھند کلگ ءَ دست کپتگ۔
بیران بیتگیں ابدُلھمید ءِ لاش پہ ھژدری چار ءُ ٹپاس کنگ ءَ نادراھجاہ ءَ برگ بیتگ کہ نادراھجاہ ءِ بنشون ءِ رد ءَ آئی جان ءَ کارچ ءُ تیرانی نشان گندگ بیتگ۔
بیران بیتگیں مردمانی کھول کمک دمگدار ءِ کارگس ءَِ دیم ءَ زھرشانی ءَ نشتگ اَنت ءُآیانی گوشگ اِنت دانکہ مئے مردمانی کشندہ دزگیر کنگ نہ بیتگ اَنت ما وتی زھرشانی نندانک ءَ برجاہ دار ایں۔
