بلوچستان لبریشن پرنٹ ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ 13 مارچ 2025 ءَ نیمروچ ءِ یک ءُ نیمءَ بی ایل ایپ ءِ سرمچاراں ھاران شھر ءَ گواش دگ ءَ برجاھیں پاکستانی لشکر ءِ چوکی گوں دستی بمب ءَ نشانگ کرتگ کہ ایشی آسر ءَ دژمنیں لشکرءَ جانی ءُ مالی اتاوان بیتگ۔
آئی ءَ گوشتگ کہ اے ارش ھما وھد ءَکرتگ کہ پاکستانی لشکر ءِ سروگانے پہ تر ءُ گرد ءَ ساڑی بیتگ۔ ارش ءَ پد پروش وارتگیں لشکر ءَ سکا تیرگواری کرتگ ۔ چہ شھری چیرجنگی ءِ رپکاں سوھوئیں سرمچارشھر ءِ ناگیگیں جاھے ءَ دژمن ءِ سر ءَ ارش کنگ ءَ پد پہ سلامتی در کپگ ءَ سوبین بیتگ اَنت۔
جارکش ءَ گوشتگ کہ دگہ یک ارشے ءَ 12 مارچ ءِ شپ ءَ بی ایل ایپ ءِ سرمچاراں کیچ ءِ ھند دشت ءَ ھوچات ءَ پہ چاریگیءَکارمرز بیوکیں زونگ ٹاور ءِ مشین ءُ سامان مانداشتگ اَنت۔
میجر گھرام ءَ ارشانی زمہ واری من اتگ ءُ گوشتگ کہ ھمے کول ءَ کن ایں داں اچ بلوچستان ءَ زورگریں لشکر ءِ سرجم ءَ در آھگ ءَ مئے ارش برجاہ بنت۔
