کیچ: چه زوریبگواھیں سئید اھمد ءِ کھول ءِ نیمگ ءَ برجاھیں زھرشانی مرچی دومی روچ ءَ تجابان ءَ سی پیک دگ ءَ برجاه بیتگ.
بنشون ءِ رد ءَ زھرشانی ءَ جنین ءُ زھگاں ھوار آدگه مردماں بازیں کچے ءَ بھر زرتگ. زھرشانی کنوکاں چه سی پیک دگ ءَ روکیں مساپرانی گون ءَ لوٹ کرتگ که دگ بند اِنت ءُ اگاں چه جنجالاں دور بوگ لوٹ اِت گڑا اِے دگ ءَ سپر کنگ ءَ پھریز کن اِت.
چه ایشی ءَ ابید انتزامیه ءَ گوں زھرشانی کنوکاں گپ ءُ تران کرتگ ءُ زوریبگواھیں سئید ءِ یل کنگ ءِ دلجمی داتگ ، بلے سئید انگت آجو نه بیتگ ءُ چه ایشی ءَ کھول ءِ زھرشانی انگت ءَ برجاه اِنت.
