بلوچ لبریشن آرمی ءِ جارکش جئیند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که جاپر ایکسپرس ءِ دستیگ کنگ ءَ پد 182 بندیگ شش ادار اِنت که مئے دست ءَ اَنت. اِے کاروائی ءَ دگه ھشت لشکری کارمند کشتگ که کشگ بیتگیں کارمندانی کچ بیست ءَ سر بیتگ.
جارکش ءَ گوشتگ که چه بی ایل اے ءِ نیمگ ءَ برجاھیں کاروائی ءِ میان ءَ پاکستان ءِ برزی بالگرد ءَ گوں بالگرد پروشیں ٹوپانی گون ءَ نشانگ کنگ ءَ اَنت که چی ایشی ءَ دژمنءَ بازیں کچے ءَ تاوان بیتگ. بی ایل اے ءِ جنگول وتی سنگراں مھکم کنگ اَنت ءُ گوں اِے کاروائی ءِ سروکے ءَ پاکستانی لشکر ءِ توان ءَ چکاسگ ءَ اَنت.
آئی ءَ گوشتگ که اِے سوبمندیں کاروائی ءَ یک سرمچارے ھم نہ ٹپی نیکہ شھید بیتگ، ھمے وڑ ءَ سرجمیں بندیگ بی ایل اے ءِ پدائی یونٹ مجید برگیڈ ءِ دست ءَ اَنت، مجید برگیڈ ءَ تچک ءَ کلوه کرتگ که اگاں پاکستانی لشکر نزیک ءَ آیگ ءِ جھد ءَ به کنت سرجمیں بندیگاں کش اِیں، پدائی اَبید واتر بوگ ءَ داں شھیدی ءَ پاکستانی لشکر ءِ گون ءَجنگ دے اَنت۔
