مستونگ: کردگاپ ءَزوریبگواھیں مردمانی کھولانی نیمگ ءَ برجاھیں زھرشانی نندانک ءِ نھمی روچ ءَ گون انتزامیه ءَ گپ ءُ تران ءَ پد زھرشانی ھلاس کنگ ءُ شھدگ پچ کنگ بیتگ۔
بنشون ءِ رد ءَ کھولاں انتزامیه ءِ گون ءَ وتی لوٹ پیش کرتگ اَنت ءُ گوشتگ که مئے زور بیگواه کنگ بیتگیں مردم دروگیں میڑاں نشانگ کنگ مه بنت ھمے وڑ ءَ داں پانزده روچ ءِ میان ءَ چار مردم یل کنگ به بیت ءُ آدگه داں یک ماھے ءَ یل کنگ به بنت، چه ایشی ءَ ابید کھولاں گوشتگ که مئے ھنداں زھرشانی کنوکانی بگیری ءَ کاروائی کنگ مه بیت ءُ مئے گوں انتزامیه ءَ گپ ءُ تران ءَ پیش کرتگیں لوٹانی دیمپان سردار مھمد آسم سرپره اِنت.
چوش که مرچی زوریبگواھیں شاھنواز ، زاکر ، راشد ، جاوید شمس، ابدالمالک، جمیل اھمد، میرتاج ، گلام پاروک ، زھور اھمد ءُ سجاد اھمد ءِ کھولاں نو روچ اِنت که مستونگ ءِ ھند کردگاپ ءَ آیانی زوریں بیگواھی ءِ بگیری ءَ زھرشانی کرتگ ءُ شھدگ بستگ اَت.
