بلوچی زبان ءِ آشوبی گشندہ استاد منھاج مکتار ءِ نوہ سوت زوت چہ زرمبش زیمر ءَ شنگ بوگ ءَ اِنت۔
چہ زرمبش زیمر ءِ نیمگ ءَ شنگ بوتگیں جارے ءَ گوشگ بوتگ کہ بلوچی زبان ءِ آشوبی گشندہ استاد منھاج مکتار ءِ نوہ سوت ندر اَنت پہ واجہ مھمد الی تالپور ءِ نام ءَ ایشانی تہ ءَ جتاھیں شائرانی سوت ھوار اَنت چوش کہ آھگ ءِ اوست، شائر ھنیپ بلوچ، چنچو واب، شائر پزل شیر بلوچ، داں دردے، شائر اکترندیم، پدائی جنگاھاں، شائر واھگ نیاد، نیاد رنگیں گمان، شائر ھنیپ بلوچ، پارسائیں دل، شائر آھوگ گُل، سھبے گوں زباداں، شائر میراج میرل، تو اگاں آجوئی، شائر اِزت ابدال، رنگ ءُ رولھیں زمانگ، شائر ھُسنا اسھاک اِنت۔ اے سوت زوت چہ زرمبش زیمر ءِ یوٹیوب چینل ءَ شنگ بنت۔
اے سوتانی ھواری ءَ پہ آدگہ آشوبی سوتانی گوش دارگ ءَ زرمبش زیمر ءِ یوٹیوب چینل ءَ سبسکرائب بہ کن اِت۔
