کیچ/ آواران: زورگریں پاکستانی لشکر ءُ چیریں ادارھانی کارمنداں سے مردم آوار جنگ ءَ پد بیگواہ کرتگ۔
اھوالکار ءِ رد ءَ مرچی بیگاہ ءَ چہ تربت شھر ءَ پاکستانی لشکر ءِ جوڑ کرتگیں چیریں ادارھانی کارمنداں سئید بلوچ ء نیک بھت نامیں مردمے آوار جنگ ءَ پد بیگواہ کرتگ۔ بیگواھیں سئید بلوچ سنگ آباد ءِ جاہ منند اِنت ءُ تربت وانشجاہءِ پھازدار اِنت۔
بنشون ءِ رد ءَ چہ مشکے ءَ زی پاکستانی لشکر ءَ لیاکت ء بجار ءُ بکتیار ءِ ھسن آوار جتگ ءُ بیگواہ کرتگ اَنت۔
