بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں زی کیچ ءِ ھند گیشکور ءَ زورگریں پاکستانی لشکر ءِ یک شوربندی یے ءَ اُرش کرتگ ءُ مشیناں ھوار سرویلنس کیمرہ تباہ کرتگ۔
آئی ءَ گوشتگ کہ سرمچاراں گیشکور ءَ زورگریں لشکر ءِ چیردستی ءَ ڈیمب بندوکیں شرکت ءِ مشین ءُ سامان مانداشتگ اَنت۔ سرمچاراں ھمے جاہ ءَ برجاھیں دُژمنیں لشکر ءِ یک پانگسے ءِ مک کرتگیں سرویلنس کمیرہ، بیٹری ءُ سولر پینل تباہ کرتگ اَنت۔
جارکش ءَ گوشتگ کہ زورگریں پاکستانی لشکر پہ وتی زورگپتی ءِ برجاہ دارگ ءَ ھمے جاہ ءَ ڈیمب ءِ نام ءَ لشکری بنجلے بندگ ءَ اِنت۔
آئی ءَ گوشتگ کہ بی ایل اے ھمے جاہ ءَ کار کنوکیں مردماں ھم کڈن کنت کہ آ ھچ وڑیں لب ءَ رد مہ کپ اَنت ءُ اے شوربندی ءِ بھر بوگ ءَ وت ءَ گستا بدار اَنت۔ اگاں نہ وتی جان ءُ مال ءِ تاوان ءِ زمہ وار وت اَنت۔
بی ایل اے ءِ جارکش جیھند ءَ گوشتگ کہ زورگریں پاکستانی لشکر ءُ آئی شریدارانی سر ءَ مئے اُرش برجاہ بنت۔
