بلوچستان لبریش پرنٹ ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ 28 پروری ءَ بی ایل ایپ ءِ سرمچاراں کولواہ ءِ ھند کڈ ءِ ھوٹل ءَ زورگریں پاکستانی لشکر ءِ بنجل ءِ سر ءَ گوں مزنیں سلاھاں ارش کرتگ، ایشی آسر ءَ باز کارمند مرتگ ءُ ٹپی بیتگ۔
آئی ءَ گوشتگ کہ اُرش ءَ سرمچاراں لشکر ءِ بنجل ءِ سر ءَ یک درزنے ءَ گیش آر پی جی ءِ گولا آس داتگ ءُ مزنیں سلاہ کارمرز کرتگ اَنت۔ پروش وارتگیں دژمنیں لشکر ءَ پسو ءَ باز گولا شھری آبادی ءُ آدگہ ڈناں آس داتگ۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ پاکستانی لشکر ءِ بگیری ءَ ترندیں اُرشانی درچ ءَ برجاہ دار ایں۔
