پاکستانی لشکر ءِ دست ءَ زوربیگواہ کنگ بیتگیں سلمان ءِ گھار سادیه بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که زوربیگواھیں مردمانی کمیشن نه کانودی کاروائی کنت ءُ نه سلمان بلوچ ءِ بابت ءَ مارا سرپدی دیگ اِنت چه ایشی ءَ ابید کیس ءَ بند کنگ اِنت که اِے مئے گون ءَ ناھکی یے. اگاں آمیدگس، کمیشن ءُ کانود مارا انساپ نه دے اَنت ءُ منی برات ءَ یل کنگ ءَ نہ اِنت ءُ کیس بند کرتگ۔ گڑا ما کجا برو اِیں ءَ چه کئے ءَ انساپ به لوٹ اِیں۔
آئی ءَ گوشتگ که اگاں منی برات ءَ چونیں تاوانے بوت ایشی ءِ زمه وار ھما وت اَنت که مرچی کمیشن ءَ تچک ءَ من ءَ گوشتگ که تئی برات مئے کر ءَ اِنت ءُ ما آئی ءَ یل نه کن اِیں ءُ اِے کیس ءَ پمشکا بند کن اِیں چی ءَ که اِے کیس دروگ اِنت ءُ سلمان بیگواه نه اِنت۔
