ھزدار: گوستگیں روچ ءَ چہ کراچی ءَپاکستانی لشکر ءِ دست ءَ زور بیگواہ کنگ بیتگیں سابر ء الی دوست ءِکھول ءَ نال ءَ زھرشانی ءَ دگ بند کرتگ۔ زھرشانی ءَ جنین ءُ زھگاں ھوار مردماں بازیں کچے ءَ بھر زرتگ۔
آیانی گوشگ اِنت کہ سابر یک نادراھے پہ الاج ءَ کراچی ءَ برتگ گڑا پرندوشی ادار چار ءَ سی ٹی ڈی ءِ کارمنداں آوار جتگ ءُ بیگواہ کرتگ۔ سابر ءِ مات نادراہ اِنت بلے انگت ءَ ھمد ءَ زھرشانی ءَ نشتگ۔ اگاں سابر ءِ سر ءَ چونیں بھتامے ھست گڑا آمیدگس ءَ پیش کنگ بہ بیت، بے میار اِنت گڑا زوت یل کنگ بہ بیت۔
آئی ءَ گوں کِر ءُ کشانی نزیکیں ھندانی مردماں لوٹ کرتگ ءُ گوشتگ کہ بیا اَنت ءُ مئے زھرشانی ءَ بھر بزور اَنت۔ دانکہ مئے زھگ آجو کنگ نہ بیتگ ما وتی زھرشانی نندانک ءَ برجاہ ادار ایں۔
