کلات: پجار نه بیتگیں سلاه بندیں مردمانی تیرگواری ءَ کشگ بیتگیں ابدالله بلوچ ءِ کوش ءِ بگیری ءَ کھول ءَ گوں آئی ءِ لاش ءِ ھمرائی ءَ زھرشانی کرتگ ءُ شال ، کراچی شھدگ بستگ.
بی وائی سی کلات ھنکین ءِ رد ءَ ابدالله ء ھاجی اَلپ ھان ءِ برات کدوس بلوچ دو سال پیش دُزاں آوار جتگ ءُ کشتگ. چه آئی ءَ پد کدوس ءِ کشنده دزگیر کنگ ءُ بندیگجاه ءَ بند کنگ بیتگ اَنت. بلے آ چه بندیگجاه ءَ جستگ اَنت ءُ آیاں دیمتر ءَ ابدالله ءَ کشگ ءِ بیھار داتگ. مرچی ابدالله وتی کشگ بیتگیں برات ءِ کیس ءِ پیشی ءَ آمیدگس ءَ شتگ ، آ واتر گس ءَ آھگ ءَ بوتگ کہ سلاه بندیں مردماں بازار ءَ تیرگواری کرتگ ءُ کشتگ.
بی وائی سی ءَ گوشتگ که ریاستی پولیس ءُ انتزامیه ءَ گام په گام چوکی جتگ ءُ رھوک ءُ آھوکیں ھمک مردماں دار اَنت ءُ پٹ ءُ پول کن اَنت. آیاں بلوچ راج ءِ پھازداری ءِ ھچ وڑیں شوک نیست بلکیں په بلوچ چکچینی ءَ سلاه بندیں چریکاں کمک کنگ ءَ اَنت۔
بی وائی سی ءِ گوشگ اِنت دانکہ گوں کھول ءَ انساپ کنگ نہ بوتگ زھرشانی برجاہ بیت۔
