بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کولواہ ءَ پاکستانی لشکر دو جتاھیں اُرشاں نشانگ کرتگ۔ چہ ایشی ءَ دو کارمند مرتگ ءُ یکے ٹپی بوتگ۔
آئی گوشتگ کہ 22 پروری ءَ بی ایل ایپ ءِ اسنائپر ٹیکٹیکل ٹولی ءَ نیمروچ ءِ ادار دو ءَ کولواہ ءِ ھند مادگ کلات ءَ برجاھیں پاکستانی لشکر ءِ چوکی ءِ ڈنا اوشتاتگیں کارمند نشانگ کرتگ اَنت۔ چہ ایشی ءَ یک کارمندے جاھی مرتگ۔
آئی گوشتگ کہ 23 پروری ءَ یک دگہ کارے ءَ کولواہ ءِ ھند مالار ءَ وھلی کور ءَ لشکر ءِ پیادگ ءَ روکیں کارمند ھما وھد ءَ نشانگ کرتگ اَنت کہ آ پہ لشکر کشی ءَ کوھاں پرتگ ءِ جھد کنگ ءَ بوتگ۔ اے اُرش ءَ دژمن ءِ یک کارمندے مرتگ ءُ یکے ٹپی بوتگ۔
جارکش ءَ دوئیں اُرشانی زمہ واری من اِتگ ءُ گوشتگ کہ اے کول ءَ کن ایں کہ داں بلوچستان ءِ آجوئی ءَ پاکستانی لشکر ءِ سر ءَ مئے اُرش برجاہ بنت۔
