یونائیٹد بلوچ آرمی ءِ جارکش مزار بلوچ ءَ رسانکدر ءَ وتی شنگ کرتگیں درشانے ءَ گوشتگ که مئے سرمچاراں دوشی ادار ھشت ءِ نزیک ءَ بولان ءِ ھند بی بی نانی ءَ زورگریں پاکستانی لشکر ءِ مزنیں چوکی ءِ سر ءَ ترندیں ارشے کرتگ که چه ایشی ءَ دژمن ءَ جانی ءُ مالی تاوان بیتگ۔
جارکش ءَ گوشتگ که دگے اُرشے ءَ بی بی نانی ءَ گیس ءِ پائپ لائن گوں تراکناکیں شورھاں نشانگ کرتگ که ایشی ءِ آسر ءَ پائپ لائن ءِ مزنیں بھرے تباه بیتگ.
مزار بلوچ ءَ اُرشانی زمه واری من اتگ ءُ گوشتگ که داں بلوچستان ءِ آجوئی ءَ مئے کاروائی برجاه بنت.
