کیچ: مزن بند ءَ پاکستانی لشکر ءِ ڈرون اُرش ءَ شھید بوتگیں راجی سرمچارانی یات ءَ دیوانے برجم دارگ بوتگ۔
بنشون ءِ رد ءَ 23 پروری 2023 ءَ مزنبند ءِ کوہ ءَ زورگریں پاکستانی لشکر ءِ ڈرون اُرش ءَ شھید کماندار میجر مھمد کریم پنام ملا بھرام، شھید ھزا پنام میرل، شھید لپٹیننٹ تالب پنام کمانچر، شھید شھزاد پنام چراگ، شھید آسپ پنام جنید،شھید جلال پنام برمش، شھید لپٹیننٹ منزور پنام کیا ءُ شھید مولابکش پنام گپار ءِ شھیدی ءِ سالروچ ءِ درگت ءَ دیوانے برجم دارگ بوتگ۔
دیوان ءَ مردماں بازیں کچے ءَ بھر زرتگ، شھیدانی اکسانی دیم ءَ ڈیوا بالینگ ءُ شھید ستک شانی نَدْر کنگ بیتگ اَنت۔
