تربت: بھمن ءَ پاکستانی لشکر ءِ دست ءَ زوبیگواہ کرتگیں راھیل ء الی مھمد، روشن ء الی مھمد، نئیم ء بشیر ءُ آدم بلوچ ءِ زوربیگواھی ءِ بگیری ءَ کھولاں جدگال ڈن ءَ زھرشانی ءَ شھدگ بند کرتگ۔
زوربیگواھیں مردمانی کھولاں گوشتگ کہ مئے چاریں مردم شپ ءَ چہ گساں آوار جنگ ءُ بیگواہ کنگ بوتگ اَنت کہ آیانی انگت ھچ ھال نیست۔ ایشی ءَ پیش ما گوں انتزامیہ ءَ گند ءُ نند کرتگ ءُ زھرشانی ھم کرتگ بلے آ دیم ءَ آرگ نہ بوتگ اَنت۔
زھرشانی کنوکاں گوشتگ کہ ما داں ھما وھد ءَ شھدگ ءَ پچ نہ کن ایں دانکہ مئے چاریں مردم آجو کنگ نہ بنت۔
آیاں گوشتگ کہ مئے مردم آجو کنگ نہ بوت اَنت ما اد ءَ زھرشانی ءَ ھوار شھر ءَ تھتگ بند ھرتال کن ایں۔
