گوادر/ شال: پاکستانی لشکر ءِ جوڑ کرتگیں چیریں ادارھانی کارمنداں سے مردم آوار جنگ ءَ پد بیگواہ کرتگ۔
بنشونءِ رد ءَ مرچی چہ گوادر ءِ ھند جیمڑی، پانوان ءَ پاکستانی لشکر ءِ جوڑ کرتگیں چیریں ادارھانی کارمنداں ھسرت ء برکت آوار جتگ ءُ بیگواہ کرتگ۔
دوشی ادار دو ءَ سی ٹی ڈی ءِ کارمنداں شال ایسانگری ءَ بیڑ برتگ ءُ ندیم ء مھمد امین نامیں ورنایے آوار جتگ ءُ بیگواہ کرتگ۔ ندیم مشکے ءِ میتگ گورجک ءِ جاہ منند اِنت ءُ سیکنڈائیر ءِ نودربرے۔
ھمے وڑ ءَ 19 پروری 2025 ءَ نیمروچ ءِ دو ءَ زھور اھمد ء ھان مھمد سمالانی چیریں ادارھانی کارمنداں چہ شال ءِ ھونی تالاب، سنجدی ءَ آوار جتگ ءُ بیگواہ کرتگ۔
زور بیگواھیں زھور اھمد ءِ بابت ءَ گوشگ بیت کہ 2018 ءَ آوار جنگ ءُ بیگواہ کنگ بیتگ، چہ بازیں آزار دیگ ءَ پد 2021 ءَ آجو بیتگ۔
