بلوچ لبریشن آرمی ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں بارکان ءَ پاکستانی لشکر ءُ چیریں ادارھانی ھپت کارمند پجارگ ءَ پد دزگیر کرتگ ءُ کشتگ اَنت۔
جارکش ءَ گوشتگ کہ بی ایل اے ءِ سرمچاراں انٹیلی جنس بھرگ زراب ءِ چریں ھالانی بنیاد ءَ بارکان ءَ یک نشانگی کاروائی یے کرتگ ءُ دژمن ءِ ھپت نزیکیں چاریگ پجارگ ءَ پد دزگیر کرتگ اَنت۔ دژمن ءِ کشگ بیتگیں چیریں چاریگاں شال ءَ ھوار بلوچستان ءِ آدگہ ھنداں وتی دروشم مٹ کرتگ ءُ چاریگے ءُ بلوچ ءِ چکچینی ءِ گنتریں میارباری ءَ کنگ ءَ بیتگ اَنت کہ دلجمی پجارگ ءَ پد کشتگ اَنت۔
آئی ءَ گوشتگ کہ نشانگی کاروائی ءِ میان ءَ سرمچاراں دوشی اَدار دہ ءَ بارکان ءِ ھند رڑکن ءَ نوکیں شال پشین ءِ بسم اللہ ھوٹل ءَ دگ بستگ گاڑیانی پٹ ءُ پول کنگ بندات کرتگ۔ ھمے میان ءَ سرمچاراں شکی ئیں بسے داشتگ کہ آئی ءَ زورگریں پاکستانی لشکر ءُ چیریں ادارھانی کارمند سوار بیتگ اَنت۔ سرمچاراں سرجم ءَ ھپت کارمند پجارگ ءَ پد کشتگ۔ وھدیکہ پیشیگیں ڈی ایس پی آشِک ھسین ھم آیانی تہ ءَ ھوار بیتگ۔
جارکش ءَ گوشتگ کہ ھمے ریاستی ناشرکار بازیں ناشریں میارباریاں چو کہ چاریگی، بلوچ ءِ چکچینی ، زوریں بیگواھی ءُ بلوچ ءِ راجی سیتّانی تاوان دیگ ءَ ھوار بیتگ اَنت ءُ بی ایل اے شکی بیتگ۔ گڈی ءَ چہ زراب ءِ ھالانی بنیاد ءَ بیڑ برتگ ءُ دزگیر کنگ ءُ پجارگ ءَ پد آیان ءَ مرگ ءِ سزا داتگ۔
جیئند ءَ اِے کاروائیانی زمہ واری من اِتگ ءُ گوشتگ کہ دژمن ءِ سرجمیں چاریگ ءُ چریکاں کڈن کن اِیں کہ آ چہ وتی بلوچ کُشیں کاراں دزکش ءُ دژمن ءِ کمکاری ءَ یل بہ کن اَنت اگاں نہ بلوچ ءِ چکچینی ءَ ھوار ءُ کمکاری ءَ گڈی آسر ءَ سر کنگ بنت۔
