مشکے: زی زورگریں پاکستانی لشکر ءَ بیڑ برتگ ءُ گوں مردماں زوراکی کرتگ ءُچار مردم آوار جنگ ءَ پد بیگواہ کرتگ ۔
بنشون ءِ رد ءَ بیگواھیں مردمانی نام ناسر ء گل مھمد، شاہ جی ء جلال، الی جان ء لالو ءُ اومیت اِنت کہ مشکے شردوئی، جلال گوٹ ءِ جاہ منند اَنت، زورگریں پاکستانی لشکر ءَ زی گس ءَ بیڑ برتگ ءُآوار جتگ اَنت۔
انچوش گوشگ بوگ ءَ اِنت کہ پاکستانی لشکر ءَ بیڑ برگ ءِ میان ءَ جنین ءُ زھگ ھم لٹ شاپ کرتگ اَنت۔
زور بیگواھیں ناسر ء گل مھمد پاکستانی لشکر ءَ یکبرے پیسر ءَ ھم برتگ ءُ بیگواہ کرتگ داں شش ماہ ءِ زوریں بیگواھی ءَ پد یل کنگ بیتگ۔
ھمے وڑ ءَ مرچی سھب ءَ زورگریں پاکستانی لشکر ءَ بنڈکی ءُ تنک ءَ گساں بیڑ برتگ ءُ گوں مردماں زوراکی کرتگ۔
اے بابت ءَ مئے گیشیں جست ءُ پرس برجاہ اِنت۔
