بلوچ لبریشن آرمی ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانےءَ شال ءَ دو اُرشانی زمہ واری منّ اتگ ءُ گوشتگ که شال ءَ بی ایل اے ءِ سرمچاراں دو جتائیں اُرشاں زورگریں پاکستانی لشکر نشانگ کرتگ ءُ جانی ءُ مالی تاوان داتگ۔
جارکش ءَ گوشتگ که بی ایل اے ءِ سرمچاراں یکشمبے ءِ شپ ءَ شال ءَ سریاب دگ ءَ ڈگری وانشتجاه ءِ نزیک ءَ زورگریں پاکستانی لشکر ءِ برجاھیں چوکی نشانگ کرتگ. سرمچاراں دژمنیں لشکر سر ءَ بازیں گرنیڈ لانچر ءِ گولا آس داتگ که چه ایشی ءَ دژمن ءَ جانی ءُ مالی تاوان بیتگ.
آئی ءَ گوشتگ که بی ایل اے ءِ سرمچاراں دگه یک اُرشے ءَ دوشی شال ءِ ھند بروری ءَ زورگریں پاکستانی لشکر ءِ کرانی چوکی نشانگ کرتگ. سرمچاراں دژمنیں لشکر ءِ سنگر ءَ گرنیڈ لانچر ءِ باز گولا آس داتگ که گوں سوبمندی ءَ نشانگ ءَ لگ اِتگ اَنت. چه ایشی ءَ دژمن ءَ جانی ءُ مالی تاوان بیتگ.
