بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که پنجگور ءِ ھند پروم ءَ زورگریں پاکستانی لشکر ءِ چوکی یے نشانگ کرتگ ءُ زورگریں لشکر ءَ جانی ءُ مالی تاوان داتگ.
آئی ءَ گوشتگ که سرمچاراں مرچی 13 پروری ءَ نیمروچ ءِ یک ءُ نیم ءَ پنجگور ءِ ھند پروم، کلیری ءَ زورگریں پاکستانی لشکر ءِ چوکی چه دو نیمگاں گوں نوکین ءُ مزنیں سلاھاں نشانگ کرتگ. چه ایشی ءَ زورگریں لشکر ءَ جانی ءُ مالی تاوان بیتگ.
جارکش ءَ گوشتگ که اُرش ءَ پد زورگریں لشکر ءَ باز ماٹر آس داتگ ءُ سکا تیرگواری کرتگ بلے سرمچار په سلامتی وتی مھکمیں بندراں سر بیتگ اَنت.
میجر گھرام ءَ اُرش ءِ زمه واری من اِتگ ءُ گوشتگ که مئے اُرش داں بلوچستان ءِ آجوئی ءُ زورگریں لشکر ءِ درآھگ ءَ برجاه بنت.
