ھاران: پاکستانی لشکر ءِ دست ءَ زوربیگواھیں مبارک الی ءُ ھزرت الی سْیاہ پاد ءِ زوریں بیگواھی ءِ بگیری ءَ چہ آیانی کھول ءِ نیمگ ءَ برجاھیں زھرشانی نندانک مرچی پنچمی روچ ءَ ھاران ریڈ زون ءَ برجاہ بیتگ۔
بنشون ءِ رد ءَ زھرشانی نندانک ءَ بلوچ یکجھتی کمیٹی ءِ کارکن ءُ زوربیگواھیں مردمانی کھول ساڑی اَنت۔ چہ ایشی ءَ اَبید ھاران ءِ سْیاسی ءُ چاگردی کارکناں ھوار نودربر، وکیل، سْیاپاد راجی سنت ءُ زمیندار ایکشن کمیٹی ءِ کارکن ھم کھول ءِ پلہ مرزی ءَ زھرشانی ءَ ساڑی بیتگ اَنت۔
زوربیگواھیں مبارک ءُ ھزرت الی ءِ کھول ءَ گوشتگ کہ اگاں مئے زھگ داں باندا آجو نہ بیت اَنت گڑا ما ڈی سی کارگس ءِ دیم ءَ زھرشانی کن اِیں۔
