بلوچ یکھتی کمیٹی ءِ سروک سمی دین ءَ ماں چاگردی رسانکدر ایکس ءَ نبشتگ کہ بلوچ یکجھتی کمیٹی ءِ نیمگ ءَ اللہ داد بلوچءِ کوش ءِ بگیری ءَ بی وائی سی ءِ زھرشانی نندانک ءَ دو روچ انت کہ برجاہ اِنت۔
آئی ءَ گوشتگ کہ تربت ءَ پجار نہ بیتگیں مردمانی دست ءَکشگ بیتگیں ورنا اللہ داد بلوچ ءِ کوش ءِ بگیری ءَ برجاھیں نندانکءَ آدگہ سانمندیں کھول ھم بھر زورگ ءَ اَنت۔ ایشی ءَ چہ بلیدہ ءَ کشگ بیتگیں نوید بلوچ، تمپ ءَ کشگ بیتگیں زریپ بلوچ ءُ چہ گوادر ءَگوستگیں ماہ ءَ کشگ بیتگیں زکریا بلوچ ءِ کھول ھم ھوار اَنتءُ زور بیگواھیں مردمانی کھول نندانک ءَ ساڑی اَنت۔
سمی دین ءَ گوشتگ کہ بلوچ یکجھتی کمیٹی کیچ ءِ نیمگ ءَ باندا یک زھرشانی روانکے کشگ بیت، گوں درسیں بھرگاں سیادی داروکیں مردماں لوٹ کن آں کہ آ بلوچ چکچینی ءِ بگیری ءَ بیوکیں زھرشانی ءَ بھر بزور اَنت۔
