ھزدار: دو روچ پیش زورگریں پاکستانی لشکر ءِ جوڑ کرتگیں کشندہ ٹولی ءِ سروک زھور جمالزھی ءِ دست ءَ زور بیگواہ کنگ بیتگیں آسمہ جتک آجو بیتگ ءُ وتی کھول ءِ دست ءَ دیگ بیتگ۔
چوش کہ آئی زوریں بیگواھی ءِ بگیری ءَ کھول ءِ نیمگ ءَ شال کراچی شھدگ ءَ زھرشانی نندانک برجاہ بیتگ۔ چہ کشندہ ٹولی ءِ نیمگ ءَ آسمہ بلوچ ءِ پہ زور گپتگیں تامربندے ھم رسانکدر ءَ شنگ کنگ بیتگ اَت بلے کھول ءَ تامربند رد کرتگ اَت۔
کھول ءَ لوٹ کرتگ ءُ گوشتگ کہ آسمہ جتک آجو کنگ ءُ زھرشانی نندانک ءَ سر کنگ بہ بیت۔ درسیں میاربار دزگیر کنگ ءُ سزا دیگ بہ بنت۔ کھول ءِ ھمک مردم چہ میارابارانی زوراکیاں رکینگ بہ بیت۔ کھول ءِ بگیری ءَ دگہ ھچ وڑیں کاروائی کنگ مہ بیت۔
بنشون ءِ رد ءَ زوربیگواھیں آسمہ جتک پولیس ءِ دست ءَ دیگ ءَ پد آمیدگس ءَ پیش کنگ ءُ برات اتا اللہ جتک ءِ دست ءَ دیگ بیتگ۔
