بلوچستان لبریشن پرنٹ ءِ جارکش میجر گھرام ءَ بی ایل ایپ ءِ جنوری ماہ ءِ کاروائیانی رپورٹ ماں رسانکدر ءَ شنگ کرتگ ءُ گوشتگ کہ جنوری ءِ ماہ ءَ 41 کاروائیاں 28 ءَ گیش لشکری کارمند کشتگ ءُ 26 ءَ گیش ٹپی بیتگ۔
آئی ءَ گوشتگ کہ اے ارشانی تہ ءَ سنگرگرگ ءُ ارش، اسنائپر ارش، چیرکرتگیں شورھانی ارش، دستی بمب ارش ءُ تھرمل ارش ھوار اَنت۔اُرشاں یک ایم آئی کارمندے کشتگ ءُ کشندہ ٹولی ءِ چار کارمند ٹپی کرتگ، اُرشاں دو جاہ ءَ چار سلاہ برتگ۔
جارکش ءَ گوشتگ کہ جنوری ماہ ءِ اُرشاں پاکستانی لشکر ءِ یک گاڑی یے تباہ کرتگ ءُ دگہ باز گاڑی تاوان داتگ۔ چہ ایشی ءَ اَبید ایپ ڈبلیو او ءِ باز گاڑی تیرگواری کرتگ ءُ تباہ کرتگ اَنت۔
میجر گھرام ءَ گوشتگ کہ کیچ ءَ شانزدہ، آواران ءَ شش، کوھلو ءَ چار، بارکان ءَ یک، پسنی ءَ دو، شال ءَ دو، مشکے ءَ چار، بولان ءَ چار، ھزدار ءَ یک، کراچی ءَ یک ارشے کنگ بیتگ۔
