روکپتی بلوچستان: شستون ءَ لبزانکی ءُ ربیدگی گل آتار ءِ ماھی دیوان برجم دارگ بیتگ۔
دیوان ءَ بلوچی زبان ءِ کماشیں لبزانکار راج پھاز ،رھمان بکش درازھی ، ملک درزاھی ، ماجد مساپر ،آرپ تھنا ءُ آتار ءِ سرکماش اومر اومان،کمک سرکماش ازمائیل ھسین بُر،کارگشاد سلال بلوچ،بانک شھمیری،بانک سالھی،بانک ماردگانی،بانک ملکزادہ، ڈاکٹر وارس،جاسم دوست ءُ رؤپ ءَ ھوار باز مردماں بھر زرتگ۔
دیوان ءِ بنگپ بلوچی دود ءُ ربیدگ ءِ سر ءَ بیتگ کہ لبزانکی ءُ ربیدگی گل آتار ءِ باسکاں ھوار شستون ءِ کلانھیں باسکاں پہ دلجمی باوست کُرتگ۔
آیاں گْوشتگ کہ زندگیں راجانی وتی ھرچی جتا بنت،ھمے وڑ ءَ بلوچ ءِ زبان،دود ءُ ربیدگ جتا اَنت۔ بلوچ ءِ دود ءُ ربیدگ گوں جھان ءِ ھچ راج ءَ ھمدپ نہ اَنت۔
آیاں گْوشتگ کہ پہ بلوچ راج ءَ ھژدری اِنت کہ جھان ءَ ھرکج ءَ کہ نشتگ وتی دود ءُ ربیدگ ءَ بہ دار ایت ءُ وتی زھگاں ھم چہ وتی دوداں آشنا بہ کنت۔
