بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانےءَ گوشتگ کہ سرمچاراں کیچ ءِ ھند گورکوپ ءَ برجاھیں پاکستانی لشکر ءِ چوکی ءُ بلیدہ میناز ءَ دگ بستگ ءُ گوں مردماں تران کرتگ۔
آئیءَ گوشتگ کہ سرمچاراں پنچ پروری ءِبیگاہ ءِ شش ءَ گورکوپ ءِ ھند ڈوکی ءَ برجاھیں زورگریں پاکستانی لشکر ءِ چوکی ءَ اوشتاتگیں کارمند گوں اسنائپر ءَ نشانگ کرتگ، ایشی ءِ آسر ءَ آ جاھی مرتگ۔
جارکش ءَ گوشتگ کہ ارش ءَ پد زورگریں لشکر ءَتیرگواری کرتگ ءُ مارٹر ءِ گولا آس داتگ بلے سرمچار چہ وتی گھتریں جنگی کاروشونیاں پہ سلامتی درکپتگ ءُ وتی مھکمیں بندر ءَ شتگ اَنت۔
آئی ءَ گوشتگ کہ دگہ یک کاروائی یے ءَ سرمچاراں زی بلیدہ میناز ءَ دگ بستگ ءُ داں باز اداراں تر ءُ گرد کرتگ، ھمے میان ءَ سرمچار مردمانی کِر ءَ شتگ اَنت ءُ داں اداراں گوں مردماں تران کرتگ۔
جارکش ءَ گوشتگ کہ بی ایل ایپ ءِ توان لس مردم اَنت، مردمانی توان ءِ سر ءَ سدک اِنت ءُ چہ لس مردمانی توان ءُ پلہ مرزی ءَ زورگریں ریاست ءَ چہ بلوچ سرڈگار ءَ کش ایت۔ دگ ءِ بندگ سرمچارانی گوں وتی سرڈگار ءَ مھر کنگ ءِ نشون اِنت ءُ سرمچارانی زور ءَ پیش دار ایت۔
میجر گھرامءَ کاروائیانی زمہ واری من اتگ ءُ گوشتگ کہ زورگریں لشکر ءِ سر ءَ داں بلوچستان ءِ آجوئی ءَ مئے اُرش برجاہ بنت۔
