کیچ: گوستگیں روچ ءَ چہ تربت ءَ پارک ھوٹل ءِ نزیک ءَ دو ورنا بیگواہ کنگ بیتگ ۔
اھوالکار ءِ رد ءَ بیگواھیں وریانی نام کامل شریپ ءُ اھسان سرور اِنت کہ آ 4 پروری ءَ سھب ءِ نو ءَ چہ تربت ءَ پارک ھوٹل ءِ نزیک ءَ بیگواہ اَنت۔ دوئیں ورنا سْیاد اَنت۔
کامل شریپ ءِ پت شریپ زاکر ءِ گوشگ اِنت کہ کامل ءُ اھسان زی پہ کارے ءَ پارک ھوٹل ءِ نزیک ءَ ساچان وانگجاہ ءَ شتگ اَنت بلے چہ آئی ءَ پد گس ءَ واتر نہ بیتگ اَنت آیانی گوانکو ھم بند اَنت۔ ما آیانی بیگواھی ءِ بگیری ءَ پولیس ءِ کرا ارزی نبشتگ۔
چہ ایشی ءَ پیش شریپ زاکر ءِ برات شھید ھنیپ چمروک کشندہ ٹولی ءِ کارمنداں شھید کرتگ اَت ءُ لھتیں روچاں پیسر سنگانی سر ءَ شریپ ءِ گس ءِ سر ءَ کشندہ ٹولی ءِ کارمنداں دستی بمبے چگل داتگ ءُ چہ آئی ءَ پد تیرگواری کرتگ۔
