گوادر: چہ بیگواھیں مسلم بلوچ ءِ کھول ءِ نیمگ ءَ آئی ءِ زوری بیگواھی بگیری ءَ زھرشانی روانکے کشگ بیتگ۔ روانک ءَ جنین ءُ زھگاں ھوار مردماں بازیں کچے ءَ بھر زرتگ۔
بیگواھیں مسلم بلوچ ءِ کھول تران کرتگ ءُ گوشگ اِنت کہ مسلم پاکستانی لشکر ءَ 10 دسمبر 2024 ءَ چہ گس ءَ آوار جتگ ءُ بیگواہ کرتگ کہ انگت ءَ بیگواہ اِنت۔
کھول ءَ گوشتگ کہ مسلم بلوچ ءَ ھوار کجام ھم بیگواھیں مردم ءِ سرءَ ریاست ءِ نیمگ ءَ میاراباری ءِ بھتام ھست گڑا آمیدگس ءَ پیش کنگ ءُ کانود ءِ ھساب ءَ جست کنگ بہ بنت۔ بلے چہ ریاست ءِ رویشت ءَ تچک ءَ گندگ بیت کہ زوربیگواھیں مردم بس بلوچ بوگ ءِ بنیاد ءَ گار ءُ بیگواہ کنگ بوگ ءَ اَنت۔ ریاست آیانی دیم ءَ آرگ ءِ جاہ ءَ آیاں داں بازیں سالاں بیگواہ کنت ءُ آزار دنت۔
زھرشانی کنوکاں گوشتگ کہ زوربیگواھی بند کنگ بہ بیت ءُ بیگواھیں مردمانی کھول چہ اے گرانیں رنجاں کشگ بہ بنت۔
