تربت: آپسر مولد ریک ءِ جاہ منند سائمہ ملنگ ءَ گوں وتی آدگہ سیادانی ھواری ءَ تربت پریس کلب ءَ پریس کانپریس کرتگ ءُ گوشتگ کہ منی برات وسیم ملنگ آدینگ ءِ شپ ءَ پاکستانی لشکر ءِ کارمندھشت گاڑیانی سر ءَاتکگ ءُ چہ گس ءَ وتپتگیں واب ءَ آوار جتگ ءُ بیگواہ کرتگ۔
آئی ءَ گوشتگ کہ پاکستانی لشکر ءِگون ءَ لھتیں سادگ پوشاکیں مردم ھم گوں بیتگ۔ آیاں بیڑ برگ ءِ میان ءَ جنین ءُ زھگ آزارداتگ اَنت ءُ موبائلاں ھوار آدگہ سامان برتگ اَنت۔جنینانی گون ءَ زوراکی ءِ میان ءَ پیریں پت ھم آزار داتگ۔
سائمہ ملنگ ءَ کہ آ اردو ءَ گپ جنگ ءَ بیتگ اَنت ءُ لھتیں بلوچی کنگ ءَ بیتگ، آیانی کِر ءَ یک مزن مودیں مردمے ءِ اکس بیتگ ءُ آئی ءَ پیش دارگ ءُ آئی بابت ءَ جست کنگءَ بیتگ اَنت۔ آیاں مارا گس ءِ تہ ءَبند کرتگ ءُ پت ءُ منی کستریں برات سردی ءِ سر ءَ نادینگ ءُ پہ نہ سُرگ ءَبیھار دیگ ءَ بیتگ اَنت۔
آئی ءَ گوشتگ کہ وسیم مئے گس ءَ والینوک بیتگ کہ آ زمیاد گاڑی ءِ سر ءَسیمسر ءَ کار ءَ بیتگ۔ اگاں آ شکی بوتیں گڑا چون گس ءَ وپتگ اَت۔ آ چہ سیمسر ءَ اتکگ ءُ نان ورگ ءَ پد واب بیتگ کہ آوار جنگ بیتگ۔
آئی ءَ گوں درسیں بھرگاں سیادی داروکیں مردماں لوٹ کرتگ کہ آ مئے گون ءَ ھمتوار بہ بنت ءُ پہ وسیم ملنگ ءِ آجوئی ءَ مئے کمک ءَ بہ کن اَنت۔
