شال: پہ زور بیگواھیں مردمانی پد جنگ ءَ وی بی ایم پی ءِشدکشیں زھرشانی گدان ءَ 5720 روچ سسرجم بیتگ۔سے شمبے ءِ روچ ءَ چہ مستونگ ءَ زور بیگواھیں سئید اھمد ءِ برات نوید اھمد ءُ بیگواھیں گلام مستپا ءِ برات ھاپز ابداللہ گدان ءَ اتکگ ءُ وتی براتانی زوریں بیگواھی ءِ کیس گل ءِ کِر ءَ یاداشت کرتگ۔
نوید اھمد ءِ گوشگ اِنت کہ منی برات سئید اھمد شاھوانی ءَ پاکستانی لشکر ءَ 29 اگست 2013 ءَ چہ مستونگ ءَ ھاپز ابداللہ ءِ ھمراھی ءَ زور بیگواہ کرتگ۔ ھاپز ابداللہ پنچ ءُ نیم سال ءَ پد آجو بیتگ بلے سئید اھمد انگت بیگواہ اِنت۔
نوید اھمد ءَ گوشتگ کہ چہ کمیشن ءِ نیمگ ءَ ھمے پدر بیتگ کہ منی برات سئید اھمد ءَ چیریں ادارھاں زور بیگواہ کرتگ۔ بلے چہ ایشی ءَ ابید سئید اھمد نہ آجو بیتگ ءُ نہ آئی بابت ءَ مارا سرپدی دیگ ءَ اَنت۔
ھاپز ابداللہ ءِ گوشگ اِنت کہ منی برات وپڈا ءَ سرکاری نوکرے منی برات وتی کار ءِ سر ءَکارگس ءَ بیتگ کہ اود ءَ پاکستانی لشکر ءِ سروگانے گوں آئی ءَ مڑ اِتگ۔وھدے کہ آئی ءَ موکل کرتگ ءُ گس ءَ آھگ ءَ بیتگ گڑا چہ دیرینگڑہ ءَ 2000 ءَ آوار جنگ ءَ پد بیگواہ کنگ بیتگ۔
ھاپز ابدُاللہ ءِ گوشگ اِنت کہ آئی ءَ پہ وتی برات پہ گلام مستپا ءِ آجوئیءَ سرکار، کمیشن ءُ آمیدگس ءِ دروازگ ٹک اِتگ بلے آئی ءَ ھچ وڑیں انساپ نہ رستگ۔
وی بی ایم پی ءِ سرکماش نسر اللہ ءَ سئید اھمد شاھوانی ءُ گلام مستپا ءِ زوریں بیگواھی ایر جتگ ءُ آیانی آجوئی ءِ لوٹ کرتگ۔
