ھب چوکی: زور بیگواھیں یاسر ھمید، جنید ھمید، چاکر ھان بگٹی ءُ نوروز اسلام ءِ کھول ءِ نیمگ ءَ دو روچ اِنت کہ بوانی ءَ زھرشانی نندانک برجاہ اِنت۔
اے وھد ءَ زور بیگواھیں مردمانی کھولاں ھوار سْیاسی ءُ چاگردی کار کن ءُ لس مردماں بازیں کچے ءَ زھرشانی ءَ بھر زرتگ ءُ نشتگ اَنت۔
زھرشانی کنوکیں مردمانی گوشگ اِنت کہ مئے بیگواھیں مردم آجو کنگ یا آمیدگس ءَ پیش کنگ بہ بنت۔ دانکہ مئے لوٹ منگ نہ بیتگ اَنت ما وتی زھرشانی ءَ برجاہ دار ایں۔
انچوش گوشگ بوگ ءَ اِنت کہ بوانی ءَ دامگ ءُ نیٹورک ھم بند کنگ بوتگ اَنت۔ ھمے گمان کنگ بیت کہ پاکستانی لشکر زھرشانی کنوکانی سر ءَ اُرش کنت۔
