بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کراچی ءِ ھند کاٹور ءَ پولیس چوکی ءُ تمپ ءِ میتگ گومازی ءُ آسیاباد ءَ زورگریں پاکستانی لشکر نشانگ کرتگ ءُ جانی ءُ مالی تاوان داتگ۔
آئی ءَ گوشتگ کہ سرمچاراں دوشی گڈاپ کراچی ءِ ھند کاٹور ءَ بھریہ ٹاون پروجیکٹ ءِ پھازداریں پولیس چوکی گوں نوکیں سلاھاں نشانگ کرتگ ایشی ءِ آسر ءَ پولیس کارمنداں جانی تاوان بیتگ۔ پولیس ءِ اے چوکی پہ بھریہ ٹاؤن ءِ شوربندیانی پھازداری ءَ ھشت ماہ پیش جنگ بیتگ۔
جارکش ءَ گوشتگ کہ بھریہ ٹاؤن ءَ بلوچانی ڈگار دستیگ کرتگ اَنت کہ آئی ءَ سند سرکار ءُ سند پولیس ءِ تچک ءَ کمک گوں اِنت۔ بلوچاںھوار آدگہ نزوریں راجاں کڈن کن آں کہ آ چہ پولیس ءُ آدگہ لشکری کارمنداں گستا بہ بنت چی ءَ کہ سرمچار آیاں کجام ھم وھد ءَ آیاں نشانگ کن اَنت۔
آئی ءَ گوشتگ کہ دومی ارش ءَ سرمچاراں بیست ءُ ھشت جنوری ءِ شپ ءَ دہ ءُ نیم ءَ تمپ، گومازی ءَبرجاھیں لشکر ءِ بنجل ءَ اے ون ءِ گولا آس داتگ کہ آ بنجل ءِ تہ ءَ کپتگ اَنت، چہ ایشی ءَزورگر ءُ دژمنیں لشکر ءَ جانی ءُ مالی تاوان بیتگ۔
جارکش ءَ گوشتگ کہ اے بنجل بی ایل ایپ ءِ شھیدیں ھمبل سرمچار جھانگیر پنام کپٹن ءِ گس دستیگ کرتگ ءُ برجاہ اِنت۔
آئی ءَ گوشتگ کہ دگہ یک ارشے ءَ 28 جنوری ءِ شپ ءَ ھشت ءَ تمپ ءِ ھند آسیاباد ءَ برجاھیں زورگریں پاکستانی لشکر ءِ چوکی ءَ باز اے ون ءِ گولا آس داتگ کہ بنجل ءِ تہ ءَ کپتگ اَنت، چہ اے ارش ءَ زورگریں لشکر ءَ جانی ءُ مالی تاوان بیتگ۔
میجر گھرام ءَ ارشانی زمہ واری من اِتگ ءُ گوشتگ کہ داں بلو چ سرڈگار ءِ آجوئی ءَ زورگریں لشکر ءَ نشانگ کن ایں۔
