بلوچ یکجھتی کمیٹی ءِ نیمگ ءَ دالبندین ءَ بلوچ چکچینی ءِ یاتگاری روچ ءِ درگت ءَ برجم داشتگیں راجی مچی ءَ بی وائی سی ءِسروک ڈاکٹر ماہ رنگ تران کرتگ ءُ گوشتگ کہ بلوچ گیشتر لاش چست کرت نہ کنت بلکیں وتی زور بیگواھیں مردماں زندگ ءَ لوٹ ایت ءُ ھمے وڑ ءَ آئی ءَ وتی سرڈگار ءِ مڈی پھریزگ لوٹ اَنت۔
ڈاکٹر ماہ رنگ ءَ گوشتگ کہ ریاست بلوچان ءَ ھمے پیش دارگ لوٹ ایت کہ اد ءَ مردم چہ رسترءَ گنتر اَنت ءُ آیانی مرگ ءُ زند ریاست ءِ دست ءَ اِنت۔ بلوچ وتی بے تواری ءَ بہ پروش اَنت ءُ ریاست ءَ ھوار سرجمیں جھان ءَرا بہ گوش اَنت کہ ماچکچینی ءَ نہ من ایں۔
آئی ءَ گوشتگ کہ ما ھمے وڑ ءَ جھان ءَ را گوشگ لوٹ ایں کہ اد ءَ چونیں ھم مڈی ھست درس بلوچ راج ءِ اَنت چہ بلوچ ءِ منشا ءَ ابید اد ءَ کسی باپاری منگ نہ بیت۔ ڈاکٹر ماہ رنگ ءَ گوشتگ کہ دالبندین ءَ اے راجی مچی کشگ بیتگیں بلوچانی یاد ءَ برجم دارگ بیتگ کہ آیانی مچی مانش 25 جنوری 2014 ءَ بلوچستان ءِ دمگ ھزدار، توتک ءَ گندگ
